تمر, حلويات, شوفان, كاكاو, كوكيز, وصفات

وصفة: سو أسامة


المقادير :
– ١٠ تمرات
– ١ كوب بيوريه تفاح (Applesauce)
– معلقه و نص خل تفاح
– ١ كوب شوفان
– ١ كوب دقيق شوفان
– نص كوب شوفان سريع الطبخ
– ٣/٤ كوب عين جمل (هنكسره شويه)
– ٢ معلقه كبيره قشر ليمون مبشور
– ٢ معلقه صغيرين كاكاو خام
– معلقه صغيره بيكنج باودر
الطريقة:
– أول حاجه هنسيب التمر حوالى ٢٠ دقيقه فى مايه دافيه علشان يطرى و بعد ال٢٠ دقيقه هناخده فى فود بروسيسور مع بيوريه التفاح و خل التفاح و نضربهم كويس مع بعض و نسيبهم على جنب
– و بعد كده هناخد كل المكونات الجافه و نخلطهم كويس مع بعض لوحدهم الأول
– اخر خطوه هنخلط المكونات الجافه مع خليط بيوريه التفاح و التمر و نقلبهم بمعلقه بس براحه يعنى نخلطهم واحده واحده مش بسرعه ، و بعدين هنشكلهم فى الحجم اللى احنا عايزينه و نرصهم على ورق زبده و بيدخلوا الفرن على درجة حراره ١٣٥ لمدة ٤٥ دقيقه لازم درجة الحراره تكون قليله علشان يستوى كويس و يطلع مش ناشف زى الحجر و بس خلاص

انضم معنا

facebook group

بحث

الأساسيات (مهم جدا)

plant based diet

معرض الصور