أسلوب حياة, فقدان الوزن, قصص نجاح

ده انا من سنة فاتت و ده انا دلوقتي ..

بجد كنت انسان بائس جدا, كنت بتكسف امشي ف الشارع.. مكنتش باروح جامعتي بسبب وزني و مظهري..

كنت مش بلبس اي لبس انا عاوزه, كنت بلبس اي حاجة الاقيها مقاسي و خلاص حتى لو عجباني بس غصب عن عين امي لازم البسها.. و مكنتش بقدر اتكلم, بشتري مقاسي و امشي في سكوت..

حتى الموصلات يا جدعان انا مكنتش بعرف اركب ميكروباص!

انا كنت بخاف من نظرات الناس او حتى حد يقعد جنبي اضايقه.. لو مكنش معايا حق تاكسي ف جيبي مكنتش بنزل من البيت.. اللي اصلا مكنتش بسيبه..

كنت دايما قاعد ف البيت ولا شغل و لا جامعة ولا بخرج حتى ،، حتى صحابي كنت انا العقبة اللي دايما بتواجههم لو احنا 5 مثلا ملييش مكان ف العربية معاهم كنت برجع البيت و اقعد لوحدي.. و كان اي حد تاني ممكن يركب معاهم عادي.. انما انا مكنش ينفع

غير التريقة اللي كنت بسمعها من ده و ده ،،

الحمد لله ده كلوا دلوقتي بقي شبه ذكريات.. حياتي متغيرتش بشكل كامل بس بقت احسن من الاول بكتير الحمد لله.. فخور بنفسي واللي حواليا فخورين بيا وبيسالوني ازاي كده ،،

انا لسه مكمل وهفضل مكمل.. انا مبقتش ماشي ع نظام علشان اخس.. انا بقيت ماشي ع النظام علشان ده بقي اسلوب حياتي .. و كمان لسه موصلتش للي انا بحلم بيه

متخلوش اي حاجة تعطلكوا .. سيبك من كلام الناس.. انت قوي بارادتك.. خلي عندك ارادة و اتغير علشان نفسك وصحتك ،،

اها صحيح انا كنت بطلت انزل ووزني ثبت و كمان تخنت 11 كيلو بس مشيت ع النظام هنا لما شوفت بوست باسم ،، واستاذ مصطفى بالصدفة و الحمد لله رجعت انزل تاني .
‫#‏شكرا_باسم‬
‫#‏شكرا_مصطفي‬
‫#‏مكملين‬
‫#‏ارادة‬
‫#‏فيجن‬
‫#‏آسلوب_حياة‬

انضم معنا

facebook group

بحث

الأساسيات (مهم جدا)

Plant Based Diet Egypt
اعراض الانسحاب

معرض الصور