فقدان الوزن, قصص نجاح

النهاردة انا كملت شهرين ماشي على النظام اللي بعتبره من احسن القرارات اللي اخدتها في حياتي بسبب كمية المكتسبات الكثير قوي في فترة صغيرة قوي
نزلت من زني 23 كيلو خلال الشهرين اللي هما يعتبرو 13% من وزني قبل النظام كانت 13 كيلو في الشهر الاول و10 كيلو في الشهر الثاني بس نقصان الوزن مش كل حاجة بالرغم من ان زيادة الوزن هي العدو الاول لصحة الانسان بس انا لما اعمل فلاش باك سنتين فاتو هلاقي وزني كان زي وزني النهاردة بس كنت بنهج جدا وبتعب من المشي اللي عاوز اقوله ان النظام ده بيخلي صحتك احسن من اي حد في نفس وزنك بياكل الاكل العادي اللي كله زيوت وسكريات واملاح انا قبل النظام مكنتش اقدر اقف 5 دقايق الوقتي الحمدلله بروح الجيم 3 او 4 مرات في الاسبوع ومبحسش حتى بارهاق في الجيم ولولا ظروف شغلي كنت رحت يوميا .
السؤال الاهم اللي تقريبا كل قرايبي واصحابي بيسالوه انت لما توصل للوزن المثالي باذن الله هتاكل اكل عادي .. طبعا لا لاسباب كثير اولها اني مش حاسس باي حرمان في الاكل ولاجوع ولا ماشي بجدول عشان اعرف هاكل ايه الساعة كام بالعكس كمية الحاجات اللي متاحة اكثر بكثير من الحاجات الممنوعة بس هي كانت عادات وتقاليد كلها غلط في غلط
ومش معقول واحد نسي خلاص حاجة اسمها حموضة وارتجاع يرجعلها تاني وكفاية النشاط والحيوية اللي الواحد فيها خاصة اني اتعودت على عدم وجود السكر والملح وبقى المذاق احلى لكل الاكل .
يا جماعة النظام ده كنز في ناس بتدفع الاف وتعمل عمليات عشان تخس 20 كيلو وممكن تظبط وممكن لا عشان كدة كل مرة هشكر دكتور باسم يوسف وهشكر ا مصطفى حلمي وكل الناس المحترمة في الجروب وفي حاجة اخيرة الجروب ده بيعمل حاجتين مهمين قوي غير انه بيعرفك انواع الاكل ويشجعك من تجارب الناس . الجروب بيوصلك لمرحلة انك حاسس انك لو كلت حاجة ممنوعة هتلاقي مصطفى حلمي طالعلك بسكرين شوت وسافف عليك والحاجة التانية ان الجروب بيصحي مندوب المبيعات اللي جواك اللي عايز يقنع كل الناس بالنظام .
دمتم اصحاء
دمتم PBD

انضم معنا

facebook group

بحث

الأساسيات (مهم جدا)

The Protein Myth
plant based diet

معرض الصور