أفوكادو, إفطار, حمص, وصفات

وصفة: ناصر البلتاجي

المقادير:
2 كوباية حمص مسلوق
1 افوكادو مستوية
1 فص ثوم
1 معلقة كمون
شوية بقدونس (كبشة يد)
عصير ليمونة
ربع كوباية مياة
ملاحظة: دي المقادير اللي استخدمتها..بس كل واحد ممكن يضيف او يشيل اللي عايزه على ذوقه..ممكن تحط كسبرة خضراء..بهارات مختلفة..اللي تحبه
ملاحظة 2: اللي بياكل زيت زيتون ممكن يضيفه بدل المياة..بس اتوقع انه هياخد من طعم الأفوكادو

حط المقادير كلها في الخلاط food processor
ملاحظة 3: يفضل إضافة المياة حبة حبة لحد الحصول على قوام ال dip المفضل لك..لو ناعم اوي مش هتحس بالطعم..
ملاحظة 4: ذوق الخليط قبل ما تشيله من الخلاط وظبطه على ذوقك..كثر الثوم مثلا..الليمون..وهكذا

ملاحظة 5: البقدونس اللي على وش الطبق دا غير البقدونس اللي في الخليط نفسه.
ملاحظة 6: اللي بيحبوا الأكل الحار ممكن يضيفوا شوية بابريكا حارة على طبق التقديم.
بالهنا والشفا..طبق مليان بروتين وصحي..بدون زيت ولا ملح

انضم معنا

facebook group

بحث

الأساسيات (مهم جدا)

معرض الصور