خرشوف, طبق رئيسي, وصفات

وصفة: أسامة خليل

نجيب الخرشوف و ننظفه , هنحطه في مية سخنة مده عشر دقايق و بعدين هننشله و نحطه في طبق مية ساقعة علشان ما يزودش سوا و يتهري.
في طاسة هنشوح بالمية او شوربة الخضار البصل لما يطري و بعدين التوم لغاية ما تطلع ريحته , بعدين ننزل بالخضار اللي بنحبه( هنا استعملت مشروم طازة و بسلة و جزر و فاصوليا خضرة و فلفل رومي احمر و درة) و خدولهم تشويحة حلوة لما تطرى كل الخضار و هنحط بهارات مشكلة و شوية مرقة خضار علشان نساعد الخضار يمتص نكهة البهارات.
في حلة تيفال هنجيب معلقة دقيق و نحمرها على النار (بدون زيت هنحركها بسرعة لغاية ما يحمر الدقيق) و ننزل عليها بكوباية لبن نباتي حسب المتوفر عندكم و نحرك لغاية ما يتقل, هنزودله شوية بودرة بصل و بودرة توم و جوزة طيب و روزماري و زعتر ناشف و فلفل اسود.(اللي عايز ممكن يكتفي بس بجوزة الطيب)
بعدكده هنحشي الخرشوف بالخضار بعد ما نخلطه باابشاميل و نحط على الوش معلقة من البشامل , نكون محميين الفرن , هنحط الخرشوف في صينية مبتلزقش و نحط فيها شوية مرقة خضار-ده هيساعد الخرشوف ياخد لون من غير ما ينشف -و ندخلها الفرن تلت ساعة, و بعدين نشغل الشواية علشان البشامل ياخد لون. انا هنا هاتغداها مع رز اصفر و فاصوليا لزوم البروتين

انضم معنا

facebook group

بحث

الأساسيات (مهم جدا)

plant based diet
Plant Based Diet Egypt
Plant Based Diet Egypt

معرض الصور