إفطار, بروكلي, مشروم, وصفات

وصفة: سو أسامة
*أولا: التورتيلا
المقادير:
– واحد و نص كوب دقيق قمح كامل
– واحد و ربع معلقه صغيره بيكنج باودر
– نص كوب ماء للعجن

الطريقه:
– هننخل الدقيق و البيكنج باودر الأول و بعدين نعجنهم بالمايه
– بعد ما تتكون عجينه هنسيبها ١٥ دقيقه متغطيه و بعدين نقسمها لـ ٥ قطع و نفردها و نخبزها على طاسه بتاع العيش أو طاسه عاديه سخنه

*بيعمل حوالى من ٥-٦ تورتيلا
لو وزن الواحد ٦٠ جرام مثلاً
يبقى السعرات الحراريه فى ٢ تورتيلا = ٢٨٠ سعر تقريباً

*ثانيا: الخضار بدون زيت
المقادير:
-بروكلى مقطع
– مشروم
– فلفل احمر و اصفر و اخضر
– طماطم
– ذره صفراء
– بصله مقطعه شرايح رفيعه
– أى خضار موجود عايزين تضيفوه هيكون حلو
– فلفل اسمر
-ثوم بودره
– بابريكا

الطريقه:
– هنسخن طاسه و ننزل فيها البصل نحمره شويه (بدون زيت) و بعدين نضيف الفلفل الملون و نسيبه يدبل و بعدين نضيف باقى الخضار
– هنضيف عليهم التوابل و ربع كوباية مايه سخنه و نغطيهم يستوا و بعد ما يستوا هيكونوا عندكم بالشكل اللى فى الصوره ده و طبعاً سعرات الخضروات قليله جداً و بدون زيت ده أفضل حاجه و طعمها حلو كمان

انضم معنا

facebook group

بحث

الأساسيات (مهم جدا)

Plant Based Diet Egypt
plant based diet
العسل

معرض الصور