الأساسيات

أعراض الصداع و الهبوط و خلافه

عادي في اول كام يوم. دي أعراض انسحاب عشان “ادماننا” للسكر و الكافيين. كام يوم و حتروح

  1. المنع مرة واحدة مفيد اكتر و حتحس بالفرق لكن مش قرآن يعني. عايز تتدرج ماشي . بس يبقى تدرج واضح و قوي . يعني تمنع حاجة على طول (جبنة ، لحمة ، سكر) او تقلل الكميات بدرجة كبيرة او تلتزم بمنتج حيواني مرة في اليوم و بكميات. بسيطة و برضة المنع مرة واحدة أفضل
  2. السكر هو العدو الأكبر: سكر كإضافات، كسكر دايت، كعصير حتى لو فريش ، كمنتجات مصنعة. فيه فيلم اسمه fed up لازم تشوفوه. ٩٥٪ من منتجات السوبر ماركت فيها سكر و بييجي باسامي مختلفة: agave , corn syrup و غيره
  3. لما تخش السوبر ماركت عليك و على ركن الخضار و الفاكهة. معلبات قي أضيق الحدود و حتلاقي نفسك مليت تلاجتك
  4. الصويا و منتجاتها و مشتقاتهاو لبنها مش كويسين. بذور الصويا نفسها كويسة مشتقاتها المصنعة مضرة
  5. لبن اللوز من الأفضل عمله في البيت طريقته موجودة على اليوتيوب
  6. خذها قاعدة: تسعين في المية اي حاجة جاية من علبة او غلاف او شئ مصنع يبقى مضر. تخيل نفسك في غيط و كل اللي يطلع من الارض
  7. النشويات تمام طالما بعدت عن السكر و العيش الأبيض و طالما ما استخدمتش القلي و ال dressing المضر . النشويات هي البنزين الأساسي لجسمك. أنسى الرعب منها
  8. القهوة لو عاملالك كالو في دماغك قلب بالتدريج

سؤال زي آكل ايه؟

فيه اختيارات كتيرة جدا بس وبص على البوستات و الوصفات . بشكل عام عندك كل البقوليات (الفول العظيم) الشوفان بالفاكهة ، الخضار الني و المطبوخ . خلي عندك هدف انك تاكل نص كيلو خضار في اليوم (صعب عارف) ما بين ني و مطبوخ. بعد شوية حتتعود.

الزيوت: بشكل عام مش صحية. زي الزيتون اخره معاك معلقة كبيرة في اليوم تحطها على السلطة او الفول . المعلقة ذي empty calories ١٥٠ كالوري بالشفا. يعني تبقى فرحان بطبق السلطة و بعدين تغرقه زيت تطلع ب ٥٠٠-٦٠٠ كالوري لطاف قوي في الطبخ زيت جوز الهند اخفهم.

السكر عدوك و يأتي في أشكال كثيرة (تاني) التمر مليان سكر اخرك كام واحدة مش عمال على بطال

الملح مش نهاية العالم و وجوده احسن من البلاوي التانية لو حيخليك تاكل نباتي اكتر. البهارات كلها مسموح بيها و ممكن تعوض بيها كميات الملح. حبة حبة مش حنحتاج كتير منه. بس مش أزمة ولما تبطل لحوم تلقائيا حتقلله.

 
البوست الأصلي كتب بواسطة: د/باسم يوسف في جروب الفيس بوك

انضم معنا

facebook group

بحث

الأساسيات (مهم جدا)

العسل
plant based diet

معرض الصور