فقدان الوزن, قصص نجاح

الفرق مبين الصورة اللى على اليمين والشمال ٥ شهور والفرق زى مهو واضح ليكو فى الصورتين … اللى على الشمال كان عندو كوليسترول و يوريك اسيد عالى جدا (نقرص) و دهون على الكبد و ضغط عالى و مشاكل فى القولون و دوخة مزمنة وعسر هضم و مشاكل فى النوم و صداع مزمن و كسل مزمن و ٩٩٪ من الوقت مود وحش …اللى على اليمين بقا الحمدلله الحمدلله الحمدلله مبقاش عندو لا حاجة من دول و بقا عندو نشاط و طاقة و بيروح الچيم و حياته اتغيرت ١٨٠٪ بفضل ربنا و نظام ال pbd ده غير انه نزل ٢٥ كيلو من وزنو … طاب بذمتك عايزنى اقتنع ازاى انه نظام غلط او فيه حجات ناقصة ؟ اصدق نفسى و جسمى و التحاليل ولا اصدق الدكتور اللى بيقول ده نظام غلط ولا اصدق الست اللى بتحكيلى عن ابوها اللى مات و هو عندو ١٠٢ سنة و كان بيشرب سمنة على الريق ولما سألتها مات ازاى قالتلى موتة ربنا و اكن اللى بيموت فى حادثة مثلا دى مش موتة ربنا … الفكرة مش انك تعيش كام سنة الفكرة انك حتعيشهم ازاى وحاسس ب ايه احنا دايما بندور على الquantity مش الquality مع ان المتعة بجد انك تعيش حتا لو قليل بس بنشاط و صحة … الراجل اللى مات ١٠٢ سنة ده ممكن كان عايش عيشة صعبة و عندوا مشاكل هضم و عندو كسل و هبوط و ضعف جنسى و ممكن يكون مات بجلطة و اهلو مش عارفين … يا رب اكون سبب ان ناس تبدأ تتغير و لو حد عايز يعرف ايه النظام يقرا البوست المثبت حيعرف كل حاجة و انا معملتش اى حاجة زيادة عنو ولا عملت سحر ولااكلت اكل مختلف كلو نفس الحجات اللى مكتوبة فى البوست المثبت
ملحوظة: انا لسه بادى چيم من اسبوع كل اللى وصلتلو ده بنظام الاكل فقط

انضم معنا

facebook group

بحث

الأساسيات (مهم جدا)

Plant Based Diet Egypt
Plant Based Diet Egypt

معرض الصور