قصص نجاح

شهر .. تعلمت فيه كثير اشيا ..
– أهم نقطه علمني اياها هذا النظام هو الاراده ..والظاهر انه الواحد منا اقوى من اديش بتخيل … شهر كامل بدون ولا قطعة شوكولاته ولا اشي فيه سكر غير الفواكه .. انا طنشت كعكات عيد الميلاد والشوكولاته والكنافه النابلسيه وما ادراك ما الكنافه النابلسيه ..طبعا مفش كمان البان واجبان ( عشقي الثاني بعد الشوكولاته ) ولا لحوم وفراخ ولا سمك ..
– انت سيد نفسك وقرارك بايدك .. انا كان في بيني وبين نفسي محادثه وصلت بعدها لقرار … بنفعش توكل صحي وتأذي نفسك من جهه ثانيه ..صارلي ١٨ يوم بدون ولا سيجاره .. بطلت تدخين .. ومع اني تواجدت اكثر من مره مع شباب وصبايا يلي يعتبروا مدخنين شرهين smile emoticon smile emoticon
– القرار الثالث يلي كان عادي جدا انه يكون هو الرياضه .. من اسبوع وشوي بمشي كل يوم ساعه او ساعه ونص صباحا في احضان الطبيعه ..
– نزلت بالوزن ٤.٥ كيلو .. مش كثير نسبيا لشو بسمع هون .. بس بلاش انسى انه كل الزياده يلي عندي هي ١٥ كيلو ،،وع فكره هاي الزياده كانت كفيله تعملي دهون ع الكبد وانها تخليني قرييييبه جدا للتحول لمريضة سكري .. فكرة انه امي ولفترة ٢٠ سنه من عمرها كانت توخذ ادويه ( ١٦ حبه خلال النهار ) للسكر والضغط والقلب ..عم بتخليني افكر جديا انه كل لقمه غلط بتفوت ع ثمي بتقصر من عمري مع ولادي وبتقلل من قدرتي ع الانجاز بحياتي .. راح اعطي نفسي كمان شهرين واروح اعمل فحوصاتي لحتى تكون ردة فعل جسمي واضحه على نظام الاكل الجديد ..
– مش عم بعرف الارق يلي كان ابو شريك … جسمي مرتاح اكثر .. بنام احسن وبصحى من دون كسل وخمول .. زي القرده الله وكيلك smile emoticon ..معنديش احساس بالحرمان .. بطلع الطابق الرابع بدون ما الاقي صعوبه بالتنفس ( اه فش اسانسير ،، مش كلنا مدللين )
– شهر اكتشفت معاه انه بكل واحد منا في قرد وأرنب smile emoticon smile emoticon قطعنا الموز والجزر من سوق الخضار
– مصروفك بجيبك .. مطوتك بجنبك …. ضروري جدا سلاحك يكون معك … والله بحكي عن سناك تاخذه معك من البيت smile emoticon ولو معزوم خذ اكلك معاك .. مش عيب..او يمكن عيب ،،غمض عينيك واعمل حالك مش عارف smile emoticon
-أخاصمك آه .. اسيبك لاا … هيك علاقتي مع الملح في النظام ،، كثير مرات بقدر استغني عنه بس مرات لا ،،
– معدتش افكر اعمل خبز بالبيت بعد ٣ تجارب فاشله ،، واعطي الخبز لخبازه ،، حماتي ،
– بعد الساعه سته ونص المغرب ،، بتتسكر المحلات ،، فش اكل ،، ع الاقل ١٢ ساعه متواصلات،، مريح جدا .. المي احسن مشروب في الكون ..
– الفوته ع الحمام معدتش فيها تعقيدات زي زمان … سوري يعني ،، بس مليح تعرفوا ..
– هذا الشهر تخبطت كثير بالاكل .. العك كان في الكميات عادة مش بالنوعيه ،، احسن حل عملته اسجل كلشي باكله ،، اليوم راح اعمل برنامج اسبوعي للاكل ،، الشهر الجاي لازم يكون منظم اكثر ..
– كثير حديث في البيت عن الاكل ونوعيته وتأثيره علينا ،، بلشت انتبه لكيف بعملهن الاكل .. لانه اصلا الاكل برا عنا نادر والمقالي ناااادره جدا جدا .. واكل الماما ازكى اكل في الدنيا ،، هيك القناعات smile emoticon .. بنتي يلي عندها ١٢ سنه مرات كثير بتشاركني باكلي ..
النقطه يلي بتعلمها .. احنا الامهات مؤثرات جدا … استغلوها ..
– الفشار … اختراع اخو اخته smile emoticon
– انتو ناس داعمه جدا ،،، شكرا للصدفه يلي وصلتني على الجروب ،، صح اغلب الاعضاء مصريين ،، بس حلو جدا الانكشاف على ثقافات مختلفه في الاكل واللهجه كمان
‫#‏صامدين‬
‫#‏مكملين‬

انضم معنا

facebook group

بحث

الأساسيات (مهم جدا)

اعراض الانسحاب
plant based diet

معرض الصور