فقدان الوزن, قصص نجاح

انا بدأت ال Plant Base من 9 فبراير ، يعني بقالي شهر بالضبط ماشية عليه ودي أخر حاجة كنت أتخيل انها ممكن تحصل الحقيقة يعني !

هرجع لورا شوية في2009 كنت عملت ريجيم ونزلت 25 كيلو مع دكتور وبعدين أنبسطت وقعدت أكافئ نفسي ع الرقم ده وألخبط لغاية ما زدت 40 كيلو !

من 2010 وانا بحاول أعمل دايت تاني مش عارفة ولما بحاول بينتهي اليوم ببيتزا أو سندوتشات تضرب فكرة الدايت ضربة رجل واحد 💣

لغاية ما قررت من سنة أبطل أفكر في دايت لأنه حاجة مستحيلة بالنسبالي ، وأستسلمت للفشل ولفكرة ان السعادة أكل ، لغاية أول يوم في السنة لما مصطفي حلمي كتب البوست الشهير اللي غير حياة ناس كتير فعلاً أزعم اني واحدة منهم !

لما قريت البوست أنبسطت جداً ان مصطفي قرر يحرك المياة الراكدة ويخس ، فرحتي بيه والله كأن انا اللي خسيت وانا اللي غيرت حياتي يمكن لأني من جوايا كان نفسي أعمل كده بس مش قادرة وقريت البوست وعملتله شير ع اساس ان أشجع حد “غيري” يقدر لأني انا بالنسبالي كان مستحيل !

مرت الأيام ولقيت حد عملي add للجروب وبالمناسبة معرفش هو مين ، فجأة لقيت نفسي في جروب نباتي ، ناس ماشية بقالها شهر وناجحة ومبسوطة وبيخترعوا أكل ، حياتهم كلها خضار وفاكهة وبروكلي و “كرنبيت ” 😃

وأنا شخص مبياكلش الخضار ولا عمري حطيت سلطة في بوقي ، باكل لحم البقر والفراخ الفيلية المقلية أو المشوية فقط ، ومباكلش اي لحوم او طيور تانية ابداً ، مبحبش الفاكهة غير الموز والمانجة ، بحب الشوكولاتة جداً ،مباكلش غير الأكل المضر اللي بيتخن .. نيجي بقي للجبنة 😍

الجبنة هي البوي فريند بتاع الأنا بدون مبالغة انا كنت دايماً أقول اللي هيخليني أحبه حبي للجبنة هتجوزه علطول ، الجبنة بالنسبالي زي السجاير والقهوة لبعض الناس أدمااااان ، فهتلاقي كل حاجة بحبها فيها جبنة ، كنت فتاة ال Extra Cheese الأولي بلا منازع ، كنت بدفع فلوس أكتر عشان السندوتش يبقي كله جبنة عشان البيتزا تعيط جبنة ، كنت لما احب اكل حاجة حلوة كنت أجيب Red cheddar او فلمنك وأكلهم زي السناكس ، حتي الجبنة البيضا كنت باكل ربع كيلو بالشوكة كده وانا قعدة .. حياتي كانت عبارة عن جبنة طالعلها شيمو !!

فكرت أطلع من الجروب اللي بيوسوس ف دماغي ده وبيحسسني بالفشل لكن مقدرتش الفكرة عجباني جدا بس صعبة ، فبقيت اقرا للقراية والمعرفة ليس إلا ، ولقيت نفسي فجأة بسألهم عن الممنوع والاكلات والمكرونات هوب ضبطت نفسي بطلب فلفل وطماطم وخيار وبسلة وخس عشان هجرب من بكرا !!

بدأت 9 فبراير وفي خلال 5 أيام لاحظت فرق في الحركة والنشاط ، انا أعترف اني خبصت بالأكل أوقات وأكلت جبنة كام مرة بس الكام مرة دول ميجوش بمرة واحدة ف يوم واحد زمان ..كان ف الاول الضغط الواطي عاملي أزمة وبعدين بقي بيس ..

كان في وجع مزمن فوق الركبة بشبر كأنه حد ضاربني في عضلات رجلي ، الوجع ده أختفي في أقل من أسبوع ، وجع الضهر المزمن قل جداً جداً جداً ، الحموضة اللي كانت مزمنة لدرجة شككت اللي حواليا ان عندي مشكلة ف المرئ أو في المعدة وكنت بشربلها اكتر من كيلو لبن في اليوم عشان يضيعها ومكنتش بعرف انام منها أختفت تماماً ومن أول يوم ، الطاقة زادت الأضعاف والبنت اللي مكنتش بتقدر توقف اكتر من 3 دقايق بقت تقدر تعمل رياضة ساعة وهي مش متضايقة !

أعترف ان الأكل مبقاش Delicious
وده اللي وصلني لنظرية انه كل ما كان الاكل delicious كل ما اكلت اكتر وتخنت اكتر وبقيت عايش عشان تاكل ، بس التعود صديق الأنسان الأول فهتلاقي نفسك بتاكل عشان تقدر تكمل يومك مش عايش يومك عشان تاكل .. انا اللي كنت لما ارجع الاقيهم عاملين اكل من غير لحمة وفراخ ماكلش وأغضب ، دلوقتي اكلت كشري أصفر وسلطة خضرا و سلطة الفاصوليا الخضرا ، اهم حاجة بالنسبالي الأكل ينفع يتاكل وخلاص ، وفجأة الأكل مبقاش مصدر سعادتي any more

بعد أول أسبوع قررت أكمل مش عشان أخس بس ، عشان مغلطش غلطة أهلي ويبقي عندي ضغط وسكر ومش قادرة أمشي في سن صغير!

عشان كده أنا اكتر حد ف الدنيا كان صعب يبقي هنا وسطكم والأصعب انه يكمل ، بس انا حبيت أتحدي نفسي لأني مش عايزة أكبر وأخد أدوية ، مش عايزة عمري يضيع عشان انا شخص ضعيف قدام قطعة لحمة او سندوتش مليان زبالة ،

وحتي لو لخبطت الندم مش هيسيبك وهيرجعك تاني ، انا خبصت يوم ووزنت يوم الاحد لقيتني تخنت نص كيلو ، الندم خلاني من الحد للنهاردة نزلت 2 كيلو ونص .. أفة ذاك الجروب الندم صدقوني

انا أدين بالشكر والجميل لمصطفي حلمي بشخصه ولشخصه اللي قرر ان سعادته مش هتكتمل غير لما يساعد ويسعد غيره ، لداليا أدمن الجروب اللي كرست وقتها عشان تترجم العلم وتشاركه مع ناس متعرفهمش ، لباسم يوسف اللي بيأكدلي دايماً انه أنسان …

لكل الناس اللي ف الجروب بدون أسماء ، كل واحد سمعني وشجعني ولو مرة ، لكل واحد رد ع سؤال أو علمنا حاجة ، كل واحد فيكم ساعدني من غير ما يحس وكان سبب اني أكمل ،

وصدقوني لو أقدر أعملكم Group Hug كنت عملت والله 😍

انا النهاردة بقالي شهر وجنب كل التغييرات دي كلها .. انا كمان خسيت 9 كيلو 😈

‫#‏في_تبطيل_يا_علي‬
‫#‏ولاد_اختي_بيشاورا_عليا_ويقولوا_النباتية_أهيه‬
‪#‎Plant_girl_and_Don‬‘t_Care😍
‪#‎If_Shemu_can_Do_it_U_Can‬

انضم معنا

facebook group

بحث

الأساسيات (مهم جدا)

العسل
plant based diet

معرض الصور