الأساسيات, الجدل الديني, العسل, سؤال وجواب, مصطفى حلمي
بقلم: مصطفى حلمي

واضح إن الموضوع محتاج بوست لوحده.
النظام بتاعنا ده مافيهوش عسل.
العسل 82% سكر…فمعلقة العسل دي كأنك بتحط معلقة إلا حاجة بسيطة قوي سكر.

غير كده، العسل زي مانتوا شايفين، مافيهوش تقريباً أي فيتامينات، كل حاجه تقريباً صفر، ونسبة بروتين ضئيله جداً موجود خمس أضعافها في الخس مثلاً!!

فيتامين A صفر
فيتامين B صفر
فيتامين C صفر
فيتامين D صفر
ماجنيزيوم صفر
حديد 2% !!

وعشان عارف الصريخ اللي هييجي لي دلوقتي إن العسل مذكور في القرآن، وفيه شفاء للناس..عايز أقول حاجتين…

الحاجه الأولانيه، أيوه العسل فيه شفاء للناس، وبيساعد لما مثلاً بيتحط على أنواع جروح وقرح معينه..

وتاني حاجه، لو حضرتك مصر إن الشفاء في أكله..ماشي..لكن ربنا ماحددش الجرعه..فماتصحاش الصبح تضرب معلقة عسل على الريق وتقول لي ربنا قال كده..ربنا ماقالش كده!

يمكن كفايه تاكله مره في حياتك..يمكن كفايه نقطه كل إسبوعين..ماحدش عارف…وعلى كل حال، أنا بتكلم على النظام الغذائي، اللي عايز فتوى دينيه، يروح لشيخ.

فأي حد بياكله لأسباب دينيه أو أي قناعات تانيه هو حر..إنما النظام ده مافيهوش عسل.

انضم معنا

facebook group

بحث

الأساسيات (مهم جدا)

العسل
plant based diet

معرض الصور