الأساسيات

فيه ناس متخوفه (خصوصاً إللي من خلفيه طبيه أو صيدله) إن النباتيين مابياكلوش كل البروتين الكامل اللي الجسم محتاجه، أو مابياخدوش حاجتهم من الEssential Amino Acids.

فيه 20 أو 21 Amino acid مختلفين الجسم بيحتاجهم عشان يبني بروتين…

منهم 9 أحماض أمينيه الجسم بياخدهم عن طريق الأكل، والباقي الجسم نفسه ممكن يعمله، فالتسع أحماض دول هم اللي إسمهم Essential Amino Acids.

التسع أحماض دول اللي بيسموهم “البروتين الكامل” موجودين كلهم على بعض في اللحوم والمنتجات الحيوانيه،

لكن موجودين بشكل كامل في نباتات قليله جداً زي الQuinoa والBuckwheat وفول الصويا…

فهل ده معناه إن اللي مابياكلش الحاجات دي مابيحصلش على بروتين كامل؟

ده مش صحيح

الفكره إن كتير قوي من النباتات زي البقول مثلاً فيهم 8 من التسع أحماض دول، وبيبقى ناقصهم حمض واحد بس عشان تبقى بتاخد بروتين كامل..والحمض اللي ناقص من البقول ده مثلاً، سهل جدًأ إنك تاخده من حاجه تانيه، زي الحبوب مثلاً.

مش مهم خالص إن كل أكله تاكلها يبقى فيها بروتين كامل يحتوي على ال9 أحماض أمينيه دي، المهم إن أكلك يبقى متنوع كفايه عشان تكون بتحصل عليهم كلهم، لأن مش كلنا بياكل فول صويا أو quinoa كل يوم.

  • فأنت لو الصبح بتاكل فول والضهر بتاكل رز..فده بروتين كامل.
  • لو بتاكل عدس وعيش..ده بروتين كامل.
  • الكشري بروتين كامل.
  • الرز بالفاصوليا أو اللوبيا أو البقول بشكل عام بروتين كامل.
  • لو بتاكل عيش وحمص..ده بروتين كامل.

مش لازم في نفس الوجبه خالص.. واللي فوق دول على سبيل المثال مش الحصر.

الموضوع مش صعب

ومش محتاج حسبه، ولا بالجرام ولا أي كلام منده خالص..المهم إنك ماتكونش مثلاً بتاكل طول اليوم عدس بس…

أو رز بس..أو فول بس..

طالما بتنوع في أكلك (وده الطبيعي) فأنت بتحصل على كل الأحماض الأمينيه (البروتين الكامل) اللي جسمك محتاجها.

ماتشغلش بالك خالص بالموضوع ده، كل أكل متنوع وماتقلقش، أنا كاتبه بس للناس المتشككه.

دوس هنا عشان تعرف معلومات أكتر

 

البوست الأصلي كتب بواسطة: مصطفى حلمي في جروب الفيس بوك

انضم معنا

facebook group

بحث

الأساسيات (مهم جدا)

Plant Based Diet Egypt
plant based diet

معرض الصور