الأساسيات, الرضاعة, سؤال وجواب

بقلم: يحيى نبيل

البوست ده للامهات اللى بترضع … والكلام اللى فيه ده خلاصة اللى قريناه انا ومراتى على النت و الدكاترة اللى بنثق فيهم اللى سألناهم سواء دكاترة نسا او تغذية ( انا مش دكتور و اللى يلاقى فى كلامى حاجة غلط يصلحها لانى ده اللى انا قدرت اوصلو)

  1. مفيش اى علاقة بين ( البيض واللبن و الحلاوة و السكريات و شوربة الفراخ و الاكل الدسم) و بين كمية لبن الام و كل الكلام ده خزعبلات توارثناها عبر التاريخ و ملهاش اى اساس علمى
  2. الحاجة الوحيدة اللى بتأثر على كمية لبن الام هى الميه يعنى لازم تشربو ميه كتير اوى
  3. الحلبة ( من غير سكر ) بتزود لبن الام و فى نفس الوقت نباتية فا ممكن تاكلوها او تشربوها او تخدوها كا مكمل غذائى من الصيدلية زى حبوب اسمها ( هيربانا)
  4. لو انتى ماشية على النظام ده يبقا لازم كل فترة تعملى تحليل لنسبة الحديد فى الدم لان الامهات بتخسر فى الرضاعة حديد كتير فا ممكن يقل عند الطفل فا لازم تركزو تاكلو اكل فيه حديد كتير زى الخرشوف و الرمان و تاكلو جنبو حجات فيها vitamin c زى الليمون و الجوافة عشان ميجلكيش نقص فى الحديد و ترجعى تقولى طاب منا باكل اكل فيه حديد ( لازم تاكلو و جسمك يمتصو )
  5. اى واحدة بتمشى على نظام الاكل ده و هى بترضع بتبقا مرعوبة لان ده عكس الكلام اللى بتسمعو من صغرها و اللى بتشوفو لما كان حد يبقا بيرضع و بيحشرولو الحلاوة فى بقو و طبعا كل الناس بيخوفوها و يقوللها اللبن حيقل فا بتتأثر نفسيا و ممكن تحس انها تعبانة او ان طفلها مبيشبعش و دى كلها اوهام و حجج نفسية مش اكتر … متخافوش طالما بتنوعو فى الاكل و بتاكلو اكل صحى و مفيد و ده ميمنعش بانكو تعملو تحاليل كل فترة عشان تطمنو … و سعتها حتحطو التحاليل دى فى وش اطخن دكتور يقول لكو ان النظام ده مينفعش فى الرضاعة

اه خلى بالكو ان من ضمن اسباب ان اللبن يقل التوتر فا بلاش توتر الله يسترها معاكم لان انتو وترتونى انا شخصيا و انا اصلا مش برضع

انضم معنا

facebook group

بحث

الأساسيات (مهم جدا)

اعراض الانسحاب
plant based diet
plant based diet

معرض الصور