طبق رئيسي, قرع, مرقة, مكرونة, وصفات

وصفة: أسامة خليل

بما اننا بنحب المكرونات, فجبتلكم النهارده مكرونة بصوص جديد, بطعم القرع العسلي

المقادير :
كوباية مكرونة بني
تلات ارباع كوباية مرقة خضار
تلاتة ارباع كوباية قرع عسلي مهروس
معلقة صغير مرمرية (الي يحب طعم المرمرية يبقى يزود) يفضل تبقى طازة لو ملقينهاش نخليها نص معلقة مرمرية ناشفه.
تمن معلقة بهارات فطيرة القرع العسلي( هنعملوها بأنكم تاخدو معلقة قرفة كبيرة, معلقتين صغيرين جنزبيل,نص معلقة صغيرة بهار,نص معلقة قرنفل مطحون, نص معلقة صغيرة جوزة الطيب).
رشة زعتر ناشف
ملح و فلفل اسود للناس اللي لسه بتستعمل الملح.
شطة مطحونة للي بيحب.

الطريقة
هنسلق المكرونة و نخليها على جنب يفضل تلات ارباع سوي علشان مترفعش سكر الدم بشكل كبير, و لو سلقناها بمرقة خضار بيبقى طعمها افضل.
هنخلط باقي المكونات مع بعض و نسيبها على نار واطية لمدة خمس دقايق نشوف طعم البهارات و نضبطه على ذوقنا, و بعدين نعلى النار شوية صغيرة و نسيبها 10 دقايق لغاية ما المكونات تتمزج و الصوص يتقل.
نزود الصوص للمكرونة و نخلطهم كويس و بالهنا و الشفا, و نرش فوقيها الشطة المطحونة للي بيحب السبايسي

انضم معنا

facebook group

بحث

الأساسيات (مهم جدا)

اعراض الانسحاب

معرض الصور