صحة الأسنان, مقالات مترجمة

ترجمة: Au Ber Gine

رابط المقال الأصلي 

ملحوظة مهمة بالنسبة للناس اللي بتلبخ ساعات وتاكل حاجات حلوة أو بتشرب صودا بصفة خاصة: انت كده بتعرض أسنانك للخطر. مشاكل الأسنان شائعة جداً عند الvegans اللي مابيمتنعوش عن السكر الأبيض والصودا، عكس الPBD اللي لو اتنفذ صح مش هيسبب أي مشاكل في حالة الفم والأسنان.
لما بنغير نمط أكلنا الph balance بتاع جسمنا بيتغير بما فيه الفم. بما إن المنتجات الحيوانية عالية الحموضة بينما المنتجات النباتية في أغلبها قلوية ممكن بسهولة الفم يتحول من وسط حمضي لوسط قلوي في وقت قصير، وأسناننا ممكن تتأثر بالتغيير ده شوية في الأول. وطبعاً الph القلوي أفضل للجسم على أي حال.
وبالمقارنة بالأنظمة الغير نباتية، فيه دراسة اتنشرت في الEuropean Journal of Clinical Nutrition قارنت بين صحة الفم والأسنان عند ١٠٠ شخص نباتي بمثيلتها عند ١٠٠ شخص غير نباتي. الدراسة دي كانت أهم نتايجها:

•النباتيين عندهم PPD أقل. اللي هو عمق حفر الجيب، يعني المسافة بين حافة اللثة marginal gingiva وبين قاع دواعم السن periodontal sulcus. الPPD الصحي بيبقى بين ١ ل٣ مللي. النباتيين كان المتوسط عندهم ٢مللي.
•النباتيين كان معدل النزف عند الكشف أقل.
•النباتيين عندهم PSI أقل، وده جزء من الكشف المبدئي على الأسنان عموماً وهو اللي على أساسه بيشخص الدكتور تشخيص مبدأي.
الperiodontal screening index القليل علامة جيدة لصحة الأسنان.
•أفواه النباتيين كانت أنضف بصفة عامة.
•الأسنان الملخلخة والمفقودة كانت أقل عند النبانيين.
يبقى النباتيين تفوقوا في كل ما يخص صحة الفم والأسنان فيما عدا نقطة واحدة. التسوس، اللي الباحثين افترضوا إنه راجع لكثرة تناول الفواكه والخضروات الحمضية هل معنى ده اننا نبطل أكل الفواكه والخضروات دي؟ لأ طبعاً، اللي لازم نتجنبه تماماً إذا قررنا نكون نباتيين هو الصودا والحلويات وأي أكل تاني فيه نسبة سكر عالية. ماهو مش منطقي أتخلى عن الأكل الصحي علشان آكل شيكولاته وأشرب بيبسي براحتي وهما من غير حاجة مضرين لأسناني أصلاً.
فوايد الأكل النباتي أكتر بكتير جداً من مضاره، واستنتاج الدراسة دي بيقول إن ‘النظام النباتي ليه أثر إيجابي على حالة الأسنان’.

انضم معنا

facebook group

بحث

الأساسيات (مهم جدا)

Plant Based Diet Egypt
العسل

معرض الصور