حلويات, كيك, وصفات

وصفة: علا عنان

شوفوا هي كب كيك نباتية، بمعنى ان مافيهاش بيض ولا حليب ولا زبدة،
بس هي مش ماشية على قواعد ال plant based بالزبط، لأن فيها سكر وزيت وملح، فا ناكلها باعتدال وعشان نحلي من وقت للتاني، لذلك لزم التنويه

المكونات:

٢ كوب دقيق أسمر
١ ١/٢ ملعقة صغيرة بيكنج باودر
١/٤ ملعقة صغيرة بيكنج صودا
١/٢ كوب سكر بني
١/٢ ملعقة صغيرة ملح
١/٤ كوب زيت جوز هند سايح
٢ ملعقة صغيرة بشر ليمون
١٥٠ جم توت بري، بتخيل انها ممكن تستبدل بتوت اسود او زبيب او فراولة مقطعة، جربوا
بديل البيض: ١ ملعقة كبيرة شيا مطحونة + ٣ ملعقة كبيرة مياه
بديل الزبادي: ١ كوب حليب صويا + ١ ملعقة كبيرة خل تفاح

الطريقة:

– نحضر خليط الشيا مع المية ونسيبه منقوع شوية، هيعمل قوام لزج شوية
– نحضر خليط الحليب الصويا مع الخل، ممكن نحط اي حليب نباتي لوز او جوز هند
– نسخن الفرن على حرارة ٢٠٠
– نخلط المكونات الجافة (الدقيق، الملح، السكر، البيكنج باودر وصودا)
– نضيف بشر الليمون والتوت مقطع، الخطوة دي عشان نمنع ترسب الفاكهة في القاع
– نخلط في صحن تاني السوائل (الزيت وخليط الشيا وخليط الحليب بالخل)
– نضيف السوائل على خليط الدقيق
– نسكب الخليط في قالب الخبز الخاص بالكب كيك
– هيدخل الفرن على الحرارة العالية ٢٠٠ درجة لمدة خمس دقايق ، وبعدها من غير ما نفتح باب الفرن، نقلل الحرارة ١٨٠ وهتقعد لمدة ٢٠
دقيقة
– المفروض بعد ما تطلع من الفرن تتساب شوية عشان تبرد قبل ما تتشال من القالب
وتقدم باردة، لو قدرتوا تصبروا
وبالهنا والشفا

انضم معنا

facebook group

بحث

الأساسيات (مهم جدا)

Plant Based Diet Egypt
The Protein Myth
plant based diet
Plant Based Diet Egypt

معرض الصور