السكر, فقدان الوزن, قصص نجاح

أنا مريض بالنوع الثاني من السكر

بالامانة انا دخلت الجروب ده عن غير اقتناع, فانا مش فى دماغى الحيوانات وانى اكلهم لان ربنا محلل لنا ده, ولا فارق معايا انى اخس, فأنا راجل خمسينى..
لكن كان نفسى اشوف تاثير النظام ده على مريض السكر, فانا اكره الدواء, وكنت داخل على الانسولين لان سكرى وصل لقرب الـ 400 وما كنش بينزل عن ال 300..
فلما قريت ان باسم يوسف وهو اصلا طبيب بيقول ان النوع التانى اللى زى سيادتى ممكن ينتظم سكره من غير علاج قلت اجرب ..
ومع عشقى لجميع انواع الجبنه الا القريش, وحبى للمخللات والمش والملح ابتديت المشوار الصعب .. وابتدأ السكر يقل فنزل ل 200 ثم ل 180 و النهارده الصبح نزل ل 142..

مع العلم يوم السبت باهبل فى الاكل.. يعنى امبارح انا فطرت مرتين مره سلطه فواكه بالشوفان ومره فول مع نص رغيف وحته توست سن, وطول النهار بلقط يوسفى على موز على برتقال, ولسعت على السريع بتاع كيلو او اكتر بطاطا مشويه و9 تمرات, واتغديت طبق خضار نى فى نى ومضاف فى طبخه عدس اصفر وبجبه.. و طبعا اكلته بواحده توست سن .. واتعشيت طبق فول بتوست سن وبعد العشاء هفت نفسى على الفشار فضربت طبق محترم..
النهارده الصبح افتكرت انى ماخدتش حبايه السكر اللى باخدها بعد العشاء فكنت خايف احلل .. المهم حللت وكانت المفاجأه ونزل السكر ل 142..
شكرا للنظام ده فانا بحمد الله باكل الجمعه والسبت بهبل و لكن باقى الاسبوع ببقى محترم فى اكلى ..وعلى فكره وزنى نزل فى اسوعين 6 كجم و ثبت فى الاسوع التالت والنهارده بابتدى الاسبوع الرابع فشكرا لباسم و للنظام ده .

انضم معنا

facebook group

بحث

الأساسيات (مهم جدا)

plant based diet
Plant Based Diet Egypt

معرض الصور