حمص, طبق رئيسي, وصفات

وصفة: أسامة خليل

وجبة متكاملة و نباتية شاملة كافة العناصر الغذائية..فتة الحمص الفلسطينية. الكمية دي تكفي من 4-6 اشخاص
ببساطة هنجيب حمص و ننقعه ليلة كاملة و بعدين نسلقه لغاية ما يتسوي..بلاش نستعمل كاربوناتا علشان نسرع السلق..مهم جدا نحافظ على مية السلق.
بعد كده هنجيب تلات كوبايات حمص في الخلاط و نزود تلت كوباية عصير لمون و تلات فصوص توم و مية سخنة و نضربهم في الخلاط..طبعا القوام و كمية اللمون و التوم حسب ذوقكم.
في الكبة هنجيب لمون و توم و فلفل شطة و فلفل رومي و نضربهم نعمل منهم عجينة كده.
هنجيب تلات ارغفة عيش بلدي نقطعهم حتت صغيرة و نغرقهم بمية الحمص المسلوق..و نخلطهم برضه بخلطة التوم و اللمون و الفلفل اللي عملناها..و نسيبهم متغطيين ربع ساعة..لو حسينا أنها محتاجة نزودلها مية نزود من مية سلق الحمص.
بعد كده هنجيب الحمص اللي عملناه في الخلاط..نخلط نص الكمية بالعيش و النص التاني نحطه عالوش و نزينها ببقدونس مفروم و حمص حب و مكسرات نية..اللي مش هيحبها نية يا يحمصها في ميكرويف او فرن او حتى طاسة على شعلة هادية ة المهم ميحطش زيت و يحرك المكسرات بسرعة علشان ما تتحرقش لغاية ما تطلع ريحتها و تاخد لون خفيف و يسيبهل تبرد تماما.. و بالهنا و الشفا

انضم معنا

facebook group

بحث

الأساسيات (مهم جدا)

Plant Based Diet Egypt

معرض الصور