أسلوب حياة, باسم يوسف, قصص نجاح, مصطفى حلمي

بقلم: هبة شحادة

اعتراف…
أنا طول عمري لما كان حد من صحابنا يقول انه نباتي من جوايا أبقى نفسي أقول له يااااا سم ايه الفلسفة والتناكة دي!!
كنت مقتنعة انه النباتيين عندهم نظرة فوقية وشايفيين انهم أحسن من البشر زي اللي بتبقى مسلوعة وتزيد كيلو وتقول لك عاملة دايت وانت عندك سمنة ومقتنع انك مكلبظ حبتين!

لما قرأت بوست مصطفى واتفرجت على الفيلم الوثائقي اللي بيثبت بدراسات على مدى سنين ومن كذا عالم وطبيب انه الشعوب اللي حافظت على النظام الغذائي الأقرب للنباتي مشاكل الأمراض من سمنة وضغط دم وسكر وسرطانات أقل عندها بشكل ملحوظ…
حتى انه في دولة أوروبية من الدول اللي احتلتها ألمانيا النازية وقت الحرب العالمية التانية واستولوا على أكلهم من ماشية ومنتجاتها عشان يأكلوا بها جنودهم. فاضطر الشعب يتحول للبدائل النباتية.
في الكام سنة دول نزلت معدلات الإصابة بالأمراض في البلد دي بشكل مُلفت وكبير. وبمجرد انتهاء الإحتلال وعودة نظام الأكل القديم بدأت تزيد الأمراض وترجع لمعدلاتها القديمة.

العبرة من ده كله عشان وجعتلكوا دماغكوا انه قرار تقليلنا من الإعتماد على المصادر الحيوانية كأسرة كان سببه اننا حسينا أنا وجوزي انه ولادنا لازم يتربوا وهما فاهمين انه صورة اللحمة والحليب اللي كبرنا واحنا شايفينهم أساس الرخاء والصحة ده كله كلام حطينه الناس اللي ماسكة صناعة الغذاء في العالم وانه تجارة اللحوم أقوى وأكبر من تجارة السلاح!

مش بنحاول نبقى مثاليين ولا حاجة! بس الواحد بقى حاسس انه التغيير الوحيد اللي قادر يعمله هو تغيير فردي على مستوى الشخص والبيت مش أكتر! مش حاجة سهلة ولا هتتغير في يوم وليلة بس لوحدها المعرفة بتديك شعور بالقوة…
شكراً باسم يوسف ومصطفى حلمي.

انضم معنا

facebook group

بحث

الأساسيات (مهم جدا)

Plant Based Diet Egypt
Plant Based Diet Egypt
اعراض الانسحاب

معرض الصور