باسم يوسف, سؤال وجواب

بقلم: باسم يوسف

عشان الناس اللي بتخش جديد و بتسأل أسئلة جاوبناها قبل كده:

  • أعراض الصداع و الهبوط و خلافه عادي في اول كام يوم. دي أعراض انسحاب عشان “ادماننا” للسكر و الكافيين. كان يوم و حتروح
  • المنع مرة واحدة مفيد اكتر و حتحس بالفرق لكن مش قرآن يعني. عايز تتدرج ماشي . بس يبقى تدرج واضح و قوي . يعني تمنع حاجة على طول (جبنة ، لحمة ، سكر) او تقلل الكميات بدرجة كبيرة او تلتزم بمنتج حيواني مرة في اليوم و بكميات. بسيطة و برضة المنع مرة واحدة أفضل
  • السكر هو العدو الأكبر: كسكر كإضافات، كسكر دايت، كعصير حتى لو فريش ، كمنتجات مصنعة. فيه فيلم اسمه fed up لازم تشوفوه. ٩٥٪ من منتجات السوبر ماركت فيها سكر و بييجي باسامي مختلفة: agave , corn syrup و غيره
  • لما تخش السوبر ماركت عليك و على ركن الخضار و الفاكهة. معلبات قي أضيق الحدود و حتلاقي نفسك مليت تلاجتك
  • الصويا و منتجاتها و مشتقاتهاو لبنها مش كويسين. بذور الصويا نفسها كويسة مشتقاتها المصنعة مضرة
  • لبن اللوز من الأفضل عمله في البيت طريقته موجودة على اليوتيوب
  • خذها قاعدة: تسعين في المية اي حاجة جاية من علبة او غلاف او شئ مصنع يبقى مضر. تخيل نفسك في غيط و كل اللي يطّلع من الارض
  • النشويات تمام طالما بعدت عن السكر و العيش الأبيض و طالما ما استخدمتش القلي و ال dressing المضر . النشويات هي البنزين الأساسي لجسمك. أنسى الرعب منها
  • القهوة لو عاملالك كالو في دماغك قلب بالتدريج
  • سؤال زي اكل ايه؟ فيه اختيارات كتيرة جدا بس وبص على البوستات و الوصفات . بشكل عام عندك كل البقوليات (الفول العظيم) الشوفان بالفاكهة ، الخضار الني و المطبوخ . خلي عندك هدف انك تاكل نص كيلو خضار في اليوم (صعب عارف) ما بين ني و مطبوخ. بعد شوية حتتعود.
  • الزيوت: بشكل عام مش صحية. زين الزيتون اخره معاك معلقة كبيرة في اليوم تحطها على السلطة او الفول . المعلقة ذي empty calories ١٥٠ كالوري بالشفا. يعني تبقى فرحان بطبق السلطة و بعدين تغرقه زيت تطلع ب ٥٠٠-٦٠٠ كالوري لطاف قوي
  •  في الطبخ زيت جوز الهند اخفهم. و فيه ناس هنا حريفة تفتي في ده احسن مني
  • السكر عدوك و يأتي في أشكال كثيرة (تاني) التمر مليان سكر اخرك كام واحدة مش عمال على بطال
  • الملح مش نهاية العالم و وجوده احسن من البلاوي التانية لو حيخليك تاكل نباتي اكتر. البهارات كلها مسموح بيها و ممكن تعوض بيها كميات الملح. حبة حبة مش حنحتاج كتير منه. بس مش أزمة ولما تبطل لحوم تلقائيا حتقلله

كتير من الأسئلة بيتم الإجابة عليها اكتر من مرة. رجاء من كل واحد جديد ينزل يقرا البوستات و التعليقات حتلاقوا حاجات مفيدة جدا

انضم معنا

facebook group

بحث

الأساسيات (مهم جدا)

Plant Based Diet Egypt
العسل
plant based diet
The Protein Myth

معرض الصور